"مسكين ياحرفَ "

https://www.youtube.com/watch?v=1i4WKp-86Gc




مسكين يا حرفٍ تعب مِن همومه = وسط الحشى يبكي على حَر بلواه

راعيه دمعته عليه محرومه = ودّه يقول و كِل شيءٍ تمناه

يسأل عن أمه وين عطف الأمومه = و ليه انحرم مِن حقه اللي تمناه

و أبوه وينه يرتدي من سلومه = و يعرف طريق الخير و يسير مسراه

قالوا لقيط و راس ماله هدومه = وحيد ما له غير زاده و سكناه

يُمّه عيون الناس والله ظلومه = و أنتم سبب للي حصل لي مِن أدناه

وحيد و أسواري جميع مهدومه = لا عمّ و لا خِلان و لا خال و لا جاه

كلٍ يصيبه في حياته خصومه = و يروح لأمه و يشتكي ضيم ماجاه

و إن جَتني ضِيقة و غمة لزومه = أروح لدموعي و أشكي من الآه

أعيش ليلي بين يقظة و نومه = و فِعل الخطا يا بوي هذي سواياه

يا رب نفسي عايشة و محرومه = ذاك الحنان اللي كثيرة مزاياه

يا رب مالي غيرك أحد أرومه = و هذي شكاة اللي زمانه توطاه

مسكين يا حرفٍ تِعب مِن همومه = وسط الحشى يبكي على حَر بلواه